KAYUH BAIMBAI
Karya : Y.S. Agus Suseno
ayu bangun anakku buah hati caramin mata
ari sudah landung siang
lakasi kita bakayuh ke muhara
batimpungas ikam anakku nang baiman
bawa pangayuh bukah ka jukung
si nanang atawa si galuh nang tagancang di haluan
nang kaur mata manimba di buritan
ayu hancapi ayun pangayuh
kaih ilung ka higa sampung
hantak pangayuh baimbai
tuju muhara sungai
jukung balumut magin balaju
timbun dupa kurrr sumangat lambung mangkurat
lilit babatsal pitua raga samudra
babatis tunggal bapitulakan malangkah watun
turun baluncat bajajak di babun
phusss! nang di anjung nang di tambangan!
jangan bakakutuan!
muhara masih jauh
di sana kita balabuh sauh
lalu badaku sambil manyapu paluh
1988
Tidak ada komentar:
Posting Komentar